Kort sagt går det ut på å køyre til fem ulike stader og samle inn eitt spelekort kvar stad. Den som har den høgste «handa» når ein kjem tilbake til utgangspunktet, vinn.

Dei lokale entusiastane som har drege dette i gong, er Dan Roger Book og Henning Solheim. Vi møter dei medan dei er i gong med mekking på Dan Roger sin 28 fots Smuggler som skal vere klar til løpet på laurdag. Det var Dan Roger som i si tid hadde idéen til løpet.

- Eg har vel fungert meir som masekråke, men eg tenkte «kvifor ikkje?». Sjølvom om det berre skulle komme fem båtar, ville vi få ein flott dag på sjøen, seier Henning. Karane har alltid vore interesserte i amerikanske båtar og det dei held på med i båtmiljøet der borte. Henning skal snart til Bergen og delta i eit løp der. Hans beskjedne mål om fem båtar er passert for lengst. Så langt har 15 båtar meldt seg på til løpet på laurdag, og det er framleis ikkje for seint. Fristen går ut fredag, og dei har oppretta eiga Facebook-side for arrangementet.

Ein startar med førarmøte på Florø-vika laurdag føremiddag, før starten går litt seinare. Ruta vert Florø-Svanøy-Askrova-Fanøy-Kalvåg-Florø. Stoppet i Kalvåg inkluderer lunsj.