Klokka halv to var det promillekontroll ved Svarthumle på rv. 5 og 23 bilførarar vart kontrollerte. Alle var ok, men ein vart meld for å køyre med ulovleg tilhengar.

Like før halv fire fekk politiet melding om at høg musikk frå ein bustad forstyrra natteroa i eit bustadfelt. Dei rykte ut og påla vedkommande å skru ned volumet.

Ein snau halvtime seinare vart det meldt om ein stolen mobiltelefon i sentrum. Politiet og den fornærma fann igjen telefonen, og det er to mistenkte i saka.

I dag tidleg mellom klokka halv ni og ni rykte politiet ut etter melding om ein mann som sat og sov i ein bil på Krokane i Florø. Det var knust eit vindauge i bilen, og ein mann i 40-åra vart pågripen og sett i arrest grunna innbrot i bil. Det var og funne mindre mengder narkotika på mannen. Saka blir følgt opp.

Klokka ti i føremiddag fekk politiet inn fleire meldingar om ein laus hund ved gravplassen. Hunden er lys brun og har sele på seg. Dersom du saknar ein slik kan det kanskje vere ein idé og ta seg ein tur og sjekke.