For det er verkeleg ein velkommen forsmak på sommaren vi har hatt den siste tida, etter ein heller vår og kald vår. Mange valde å leggje torsdagen til stranda på Eikefjord, for å nyte sola og temperaturen.

Fleire hadde med seg grill. Andre samlast for ein liten prat med naboar og kjende, medan ungane leika saman i fjæra eller med ballspel. Dei eldre ungdommane var samla ved stupebrettet. To av dei valde dessutan å ta siste øvinga med skulekorpset framføre alle som var på stranda.

I dag fredag er det meldt meir skya, og stundom noko godvêrsregn skal vi tru meteorologane som er i streik. Men laurdag og søndag kjem finvêret att, så det er berre å bu seg på fleire dagar på stranda.