For det var ikkje akkurat eit myldrande folkeliv under messa, sjølv om det til tider var godt med folk. Då spesielt under sykkelakrobat Malte Knapp sitt sceneshow, og under Bjørn Jensen frå Salhusvinskvetten sitt spinnville show.

- Det var eit skuffande labert oppmøte, konstaterte messegeneral Per Øyvind Helle i Hipp etter at første dag av messa var over. For det er eit stykke opp til første messedag for to år sidan, då 1600 betalande kom for å sjå og oppleve.

- Messa i år er mykje betre og meir innhaldsrik enn då. Så det er skuffande for eigen del, men ikkje minst for utstillarane som har satsa ein del på denne messa, understreka Helle.

Og det er ikkje ei overdriving. Spar Florø og Spar Krokane delte til dømes ut gratis is, brus, kake og snop til ein samla verdi på vel 50.000 kroner. Og dei var ikkje dei einaste av verksemdene som satsa tungt.

Men dei som valde å ikkje gå, gjekk glipp av ein heil del prøvesmaking, gode messetilbod, sirkusshow og komedie og ansiktsmåling for dei minste. Men det er enno ikkje for seint å hive seg rundt.

- Søndag håper vi fleire vel å leggje turen innom messa. Det er ein glimrande måte å tilbringe ein søndag på, seier Helle.