Om du lurar på kvifor det er så mange DAT-fly som flyg til og frå Florø lufthamn laurdag føremiddag, skuldast det rett og slett at DAT-pilotane blir sjekka ut på det nye Dash 8-flyet selskapet har kjøpt.

Tidleg laurdag morgon stod det nylakkerte og nyvaska Dash 8-100 flyet på asfalten i Florø, klar til å ta imot dei fire DAT-pilotane. Desse skal i løpet av dagen gjere seg kjend med flyet, mellom anna ved å lette og lande fleire gonger kvar.

Dash 8-flyet kjem til å gå i rute frå Florø, men berre til slutten av mars då Widerøe tek over rutene. Deretter skal flya gå i rute i Nord-Norge.