I eit lesarinnlegg i Firdaposten hevdar han følgjande:

For raskare realisering av dei totale vegutfordringane vi har for kystveg Ålesund - - Bergen, bør ein prioritere flaskehalsane først, og ikkje minst traseval som fører til mest mogeleg trafikk inn på denne vegen .

Blir E39 no lagt til Stryn i staden for Lote- Anda, vil ei bru over ytre Nordfjord framstå i større grad som ei fornuftig og riktig løysing.

Til no har vi etter planer for 45-minuttsregionen, kun utgreidd eit prosjekt med ny kort fergje frå Rugsundøy til Vemmelsvik til erstatning for ferja frå Oldeide til Måløy, med ferja frå Stårheim til Isane i drift som i dag.

- Når no styret i kystvegen Ålesund - Bergen begynner å argumentere for at det er bru vi helst vil ha , så er det på tide vi set alle krefter inn for å få prosjektert eit seriøst brualternativ. Skal vi klare å få finansiert ei bru, blir det ein realistisk føresetnad at brua må erstatte både ferjesambandet Oldeide - Måløy og Stårheim - Isane. Blir det no etter planer for 45-minuttsregionen investert 350 mill kr. i tilførselsvegar til ei ny kort ferje mellom Rugsundøy og Vemelsvik , med tanke for aksen Måløy- Florø, så vil ikkje dette harmonere med eit framtidsretta brualternativ. Brua må plasserast slik at vi forsvarleg også kan avikle ferja Stårheim- Isane. Då bør den gå frå Otteren til Bryggja, meiner han.

Det vil då måtte bli eit kompromiss mellom ytre og indre delar av Bremanger kommune. Folk frå ytre Bremanger må då køyre heilt til Bryggja for å komme seg til Måløy, medan folk frå Isane-Ålfoten må til Bryggja for å komme seg til Eid.

Les heile lesarinnlegget i Firdaposten torsdag.

Kva meiner du om dette framlegget. Sei di meining i kommentarfeltet under artikkelen.