For då åttetalsstien var oppe i bystyret i desember 2010, gjekk fleire tidlegare bystyrerepresentantar sterkt imot forslaget. Til slutt bestemte bystyret seg rett og slett for å ta stien ut av sentrumsplanen.

Men no ønskjer Arbeidarpartiet å få åttetalsstien inn i sentrumsplanen att. Og dei håper samstundes dei kan unngå liknande temperaturnivå som førre gong saka var oppe.

– Vi håper saka har modna litt, slik at vi kan gje den ein reell sjanse. Vi i Arbeidarpartiet ønskjer å legge opp til minst mogleg konflikt om åttetalsstien. Det går nemleg an å legge opp til ein sakleg dialog med private interesser i dei aktuelle områda om dette.

Det seier Karianne Torvanger i Arbeidarpartiet. Ho og partikollega Ola Teigen vil ta opp åttetalsstien på nytt under behandlinga av Sentrumsplanen i bystyremøtet på torsdag.

Kva meiner du om saka? Ta debatten her!