- Fleire av elevane såg på bilane. Dei stussa litt på kva som var skrive, då dei ikkje kjende att ordet, sa Bente Nygård ved KF Innvandrarsenteret i Flora til Firdaposten.

Innvandrarsenteret held til i same bygget som Melodi Grand Prix, altså på Idrettssenteret i Flora.

Difor spurde dei læraren sin, Kari-Ann, kva dette ordet betydde. Ho måtte vedgå at det ikkje skrivast kjøyrer, korkje på nynorsk eller på bokmål.

- Her verkar det som Toyota Førde har heilgardert seg, og skrive både på nynorsk og bokmål i same slengen, seier Bente Nygård ved KF Innvandrarsenteret i Flora.

Men ingen skal seie at Toyota Førde ikkje tok rettskrivingstabben på alvor då dei blei klar over den.

- Eg kontakta dei som laga bildekorasjonen sporenstreks, fekk produsert nye og korrekt stava klistremerke, sette meg i bilen og køyrde rett til Florø. Ein dryg time seinare var bilane dekorert om - no i korrekt nynorsk, seier dagleg leiar Stein Vidar Vie, som ser litt det komiske i saka.

- Her gjekk det rett og slett litt for fort i svingane, og kvalitetssikringa blei ikkje som den skulle. Men no er alt på stell - slik det alltid er med Toyota, reklamerer han.