Torsdag ettermiddag skjedde det igjen: Eit utanlandsk-registrert vogntog med utanlandsk sjåfør taklar ikkje dei vanskelege køyreforholda i Bremanger, og då sjåføren freista legge seg ut på vegskuldra, enda han i grøfta.

Uhellet skjedde på fylkesveg 616 ved Nybø i Bremanger, og traileren stod naturleg nok bom fast. Kjettingar var ikkje lagt på hjula, trass i at det rådde svært utfordrande køyreforhold torsdag, med glatt vegbane og null grader.

Vegen vart stengt i over ein time som følgje av uhellet.

Korleis opplever du vinterveg-beredskapen i år? Har du gode eller dårlege erfaringar frå ditt nærområde? Diskuter saka under artikkelen!