Det er framleis mogleg å sikre seg billett til folkefesten.

– Vi har seld litt over to tusen billettar, men det er eit par hundre billettar att. TV-sendinga kan ein sjå i reprise dagen etter, så det er berre å ta turen, seier MGP-sjef i Florø, Per Øyvind Helle til NRK.

Han viser til at dette er ei oppleving heilt utanom det vanlege i Sogn og Fjordane. Han opplevde stemninga i fjor som heilt unik og trur det kjem til å bli like bra i år også.