- Det er eit viktig prosjekt med tanke på nye arbeidsplassar. Vi kan få opp mot 70 nye arbeidsplassar i forbindelse med utbygginga av ny fiskerikai i Kalvåg. Det er stort behov for kaiplass, lagerkapasitet og servicebygg for fiskarane. Vi håpar at denne utbygginga kan byggje opp eit robust og godt miljø med kunnskapsarbeidsplassar, seier ordførar Karl Vidar Førde.

Det var Kalvåg barnehage som fekk æra av å legge ned grunnsteinen saman med ordførar Karl Vidar Førde. I grunnsteinen låg alle teikningane, og planen for prosjektet. Alle ungane la i tillegg ned fiskar som dei hadde laga sjølve, som symbol på framtidig vekst for fiskerinæringa i Kalvåg. Kanskje nokre av ungane kjem til å arbeide nettopp her når dei vert vaksne.

I dei to åra forprosjektet har vart, har Monica Sande frå Svelgen vore prosjektleiar. No overlet ho hovudansvaret til Jarle Hauge frå Berle, som arbeider ved teknisk drift i Bremanger kommune.

- Det vert mykje jobbing framover, og eg ser svært lyst på dette prosjektet. Sprenging startar like over helga, entreprenøren er snart klar. Når det vert full drift vil det vere større behov for at eg er tilstades heile tida. Vi håpar kaia kan bidra til at fleire verksemder vel å etablere seg her i Kalvåg. Industriområdet har alt ein treng til å starte opp industri, vatn, straum og alt anna, seier Hauge.

Les meir i papiravisa laurdag.