- Det var ei stor steinblokk som var rast ut ca 1 meter brei, og 1,5 meter lang. Den hadde tydeleg falt ned på vegen, og rulla mot vegkanten, så det gjekk fint å passere. Men det var skremmande å køyre forbi. Bror min var første mann på staden etter at steinen hadde ramla ned. Han gjekk ut for å rydde vegen for eiga hand, for å komme forbi med campingvogn, fortel bilsjåfør Beathe Leirgulen frå Rugsund.

Ifølgje Statens vegvesen er det folk frå Mesta som er på veg til staden for å gjere undersøkingar og rydde opp på vegen. Steinen har laga eit stort hol i vegen, og har etterpå landa på sida av vegen.

- Det skal ikkje vere fare for nye ras, men entreprenøren vil gjere vurderingar når dei er komne til den aktuelle staden vest for Dombestein, seier talsperson frå Statens vegvesen.