Det låg føre ei samrøystes tilråding frå hovudutvalet for plan- og miljøsaker (bygningsrådet), men i bystyret var det fleire som reiste tvil om saka.

Økonomisk ansvar?

Åge Larsen (A) var først ute og sa det hadde kome folk til han og spurt om kommunen kunne bli stilt økonomisk ansvarleg.

Til dette svara rådmannen at eikvar utbygging har ein viss risiko ved seg der som det fører til vesentleg verdiredusjon for naboar. Slikt kan ein ikkje vite sikkert på førehand. Det kan berre avklarast ved eit eventuelt søksmål i etterkant.

"Veldig merkeleg"

Tvilen i bystyret gjekk først og fremst på bygningen som etter 1987-reguleringa kan byggast i tre høgder, men som i dei framlagde planane blir fire etasjar høg, og dermed kjem rett i synet på naboane på Nygård.

Sture Thorgaard (Frp) synest det var "veldig merkeleg":

– Er det verkeleg naudsynt å sette opp eit slikt hus i strandlinja? spurde han, og la til: – Det blir naturlegvis ei fenomenal utsikt, men på kostnad av dei som tidlegare har bygt. Eg likar ikkje heile saka, sa han og gjorde framlegg om å sende den attende med oppmoding om at utbyggar kom til semje med naboane, før den vart fremja på nytt for bystyret.

Les fyldig referat i papirutgåva av Firdaposten.