Dette kjem fram i ei spørjeundersøking om intern flytting i Flora som meiningsmålingsbyrået Perduco gjennomførde i juni på oppdrag frå prosjektleiar Rolf Bjarne Sund.

400 personar frå ulike aldersgrupper og likt fordelte på kjønn vart spurde.

– For oss er det viktig å finne ut kven som kan tenkje seg å flytte til sentrum, og kva som skal til for at dei realiserer dette, seier Rolf Bjarne Sund, prosjektleiar for arbeidet med den nye kommuneplanen.

– At så mange som tretti prosent kan tenkje seg å flytte til meir sentrale delar av Flora, er av dei mest spennande funna i undersøkinga om flytteønske internt i kommunen.

Dette er noko vi må ta omsyn til når vi skal lage den nye kommuneplanen, seier Sund.