1000 kostymekledde florøværingar sette bokstaveleg talt farge på sentrumsgatene 16. mai.

Kostymeopptoget vart ein større suksess enn ein kunne forvente. Difor har ein entusiastisk gjeng gått i bresjen for at kjensla skal skapast på nytt.

– Vi ønskjer å få tilbake litt av den eventyrlege stemninga vi hadde 16. mai med vakre og til dels spennande kostyme, seier jubileumsgeneral Edvin Helgheim.

Han meiner eit slikt kostymeball skal hegne om «galskapen» der det meste er tillate, men dei vil gjerne at ein skal pynte seg litt òg.

Om ei veke blir dei 300 billettane lagt ut, og Helgheim trur det blir kamp om dei. På ballet blir det servert både sjampanje og mat og spelt musikk alle vil sette pris på.