I Fjord1 konsernet vert det no gjennomført lik organisering i sjøselskapa og matrise funksjonar for å legge til rette for enklare løysingar og samarbeid på tvers. Busselskapa vert matrise organisert og færre årsverk gjev ei meir kostnadseffektiv organisering. Fellestenestene samlast under ei leiing med tenester i Florø og Molde. Resultatet er at administrasjonen i konsernet er redusert med 30 årsverk.

Konsernsjefen er fornøgd med utviklinga, og legg vekt på at dette er eit resultat av hardt arbeid.

- Vi har lova i vår strategiplan eit konkurransedyktig selskap. Vi skal styrke vår posisjon på buss- og sjøsida, og vi søker etter ein partnar for Fjord1 Transport. No leverer vi punkt 1 i strategiplanen - ein meir effektiv administrasjon - og eg er imponert over det arbeidet som er gjort. Samtidig vert det stilt store krav til alle no når 30 færre årsverk skal tene drifta, men med så mange dyktige medarbeidarar skal dette gå veldig bra, seier Fjord1-sjefen i ei pressemelding. .