Administrerande direktør i Fjord1 Fylkesbaatane Stig Kristoffersen er svært nøgd med å få Mortensen og Sandal med på laget.

- I tillegg til fornying, representerer begge solid kompetanse innanfor sine fagområde som kan passe godt med dei arbeidsoppgåvene og utfordringane som ligg i stillingane, og vi ser fram til å få dei om bord, seier Kristoffersen.

Deon Mortensen (43) kjem frå stillinga som teknisk direktør ved STX Norway i Florø og har tidlegare erfaring som leiar og mellomleiar i ulike reiarlag og verftsindustri sidan 1990. Han er utdanna teknisk ingeniør ved Befalsskolen for Marinen, Maritime Høyskole og har prosjektleiing frå Handelshøyskolen BI. Han er busett i Florø.

Pål Sandal (33) kjem frå stillinga som seksjonssjef i Operasjonsseksjonen i Forsvaret, der han har hatt ulike leiarstillingar sidan 1997. Han (bildet under) har utdanning innan leiing og militære studie frå Krigsskolen, samt mastergrad innan konflikt, sikkerheit og fleirkulturell forståing ved Universitetet i Tromsø. Han er busett på Byrkjelo, melder Fjord1 i ei pressemelding.