Det blir no gjort framlegg om å utarbeide ein leikeplass vest for samfunnshuset, ved inngangen til tenestetorget. Og det kan skje fort.

– Ein slik møtestad, med fokus på barnefamiliar, vil vere med på å følgje opp stadanalysen, samstundes som det vil vere i tråd med mange ønskjer som har komme fram i arbeidet med sentrumsplanen, skriv prosjektleiar Rolf Bjarne Sund i saksutgreiinga til formannskapet.

Kva meiner du om saka? Sei meininga di i kommentarfeltet!

Leikeplassen er budsjettert til å koste 750 000 kroner. Framlegget politikarane skal vurdere i morgon, er om dei vil forskotere 400 000 kroner i spelemidlar til prosjektet.

Plassen er tenkt utforma i stein, støypt plast, og med tre og plantar.

Dersom det ikkje kjem mykje regn i september/oktober, så vil plassen bli ferdigstilt allereie i løpet av hausten.