304 personar var i juli arbeidsledige i Flora kommune.

Dobling sidan i fjor
Det er ei dobling av talet frå same tid i fjor. Då var 136 personar utan arbeid i Flora.

Dette gjer Flora til den kommunen med høgast arbeidsløyse i fylket. I alt er 1363 personar arbeidsledige i Sogn og Fjordane. Det syner tal frå NAV.

- På grunn av industrien
- Hovudårsaka til dette er at utfordringane til den konkurranseutsette industrien framleis er store. Sogn og Fjordane har mykje av desse utfordringane, seier direktør NAV-Tore Thorsnes i ei pressemelding.

Store forskjellar i fylket
Men arbeidsløyseutviklinga er svært ulik i kommunane i fylket. Om lag halvparten har nedgang eller stabilitet i utviklinga. Men i kommunar med mange sysselsette innan industriell produksjon er utviklinga mest negativ.

I Bremanger var det i juli 41 arbeidsledige. Det er det same som i same perioden i fjor.

Verst i landet
I Sogn og Fjordane har arbeidsløysa i auka med heile 21 prosent sidan juni i fjor, noko som er ei langt høgare auke enn på landsnivå.

Ifølgje Thorsnes kan dette dels forklarast med at fleire er permitterte, og at færre personar er i tiltak enn tidlegare.

- Vi må også sjå dette på bakgrunn av at fylket hadde klart lågast arbeidsløyse i landet i juni i fjor, meiner Thorsnes.

Les også: Ein epoke slutt? Kommentar av Harald J. Stavang.