Det var luftambulansen og ikkje redningshelikopteret, slik Firdaposten skreiv tidlegare, som henta ut mannen.

– Vi vart varsla halv ni og rykka ut til Hatleset. Ein time etterpå var mannen på legevakten i Førde.

Det seier flygar Bent Næss i Luftambulansen i Førde. Det var han som flaug helikopteret som henta ut mannen.

– Det var ingen dramatikk. Mannen hadde falle medan han var på tur i området, og skada seg i beinet. I og med at han låg ugunstig til i terrenget vart han floge ut med Luftambulansen. Nede med vegen hadde medisinsk mannskap byrja bevege seg opp i terrenget mot mannen, i tilfelle ikkje vi kom til, seier Næss.

Men dei kom til. Redningsmannen ombord fekk henta ut mannen.

– Det gjekk eigentleg veldig greitt. Medisinsk personell var nær staden, i tillegg var Røde Kors varsla. I ytterste konsekvens hadde Redningsskvadronen kunne hente han ut. Så, med redningshelikopterbasen i Florø er redningstenesta i området komplett, seier Næss.