Turlaget er no oppe i 420 medlemmar, så mange har dei aldri vore før.

Onsdagsturane som laget arrangerer, har vore særs populære. Laget har arrangert turar til nesten alle øyane utanfor Kystbyen. Dei turglade friluftsliventusiastane har inntatt Askrova, Svanøya, Skorpa, Batalden, Reksta og Kinn.

Turlaget har også tatt turen til Haukånipa, Klauvekeipen, Strandanipa og Eikefjordstølen.

Førre veke var over 40 turgjengarar med på turane til både Kinn og Snøfilefjellet. Neste tur finn stad på søndag 25 juli, og går til Hornelen.

Turlaget skryt av at dei har eit tilbod til folk i alle aldrar. Alt ifrå born og ungdommar, til 80-åringar, er med på turane. Det finst også eit eige Barnas Turlag, som både har eigne turar og er med på fellesturane.

For å kunne oppretthalde all aktiviteten treng laget fleire turleiarar og arrangerer difor kurs frå 11. til 12. september.

Turlaget driver også ei alternativ form for rekruttering. Av seks styremedlemmer, har tre fått baby dei siste ni månadene...