Og det er ho ikkje åleine om å meine. Bremanger-politikarane er tydeleg stolte over planen dei no har fått på bordet, og som vart vedteken av eit samla kommunestyre tysdag.

Planen legg nemleg opp til å bruke oppvekstsektoren som ein konkurransefordel i kampen om innbyggjarane.

Det betyr at Bremanger kommune skal oppretthalde ein desentralisert skulestruktur også i framtida, så langt det er fagleg og sosialt forsvarleg.

-Vi har stabile miljø, og det viser att i gode faglege resultat. Ein desentralisert skulestruktur er ei god investering og forskottering for framtida, og dette blir det lagt merke til i andre kommunar, hevda Elin Merete Førde (FrP).