Damene er no på utkikk etter eigna lokale.

– Vi treng så absolutt ein ny samlingsstad. Der vi held til no, på Kreativiteten, er bygget såpass dårleg isolert og fuktig at medlemmene våre med astma ikkje kan nytte seg av lokala, seier husflidslagsleiar Britt Madsen.

Men det handlar også om å få auka aktiviteten. Per i dag er det 150 medlemmer i laget, og interessa er der for meir aktivitet. Men for å få til dette treng dei meir plass.

– Vi ønskjer å få meir aktivitet i laget og få ein stad, helst i sentrum, der ein kan setje seg ned ved vevstolen ein søndag og arbeide.

Slik det er no, har vi sju vevstolar som står i ein kjellar og som vi ikkje får brukt på grunn av mangel på plass, seier ho.