Trening med mening UB koplar trening med integrering av innvandrarar og asylsøkjarar. Dei 17 elevane som står bak verksemda går alle på idrettslinja ved Flora vidaregåande skule. Kvar veke arrangerer dei gymtimane for elevane ved Norsksenteret i Florø.

For denne innovative ideen gjekk Trening med mening UB av med sigeren som fylket sitt beste lokalsamfunnsprosjekt. Dei fekk også førsteplassen for beste teneste.

Elevane ved Varmekassen UB går til dagleg i 2 BYA. Etter at skuledagen er over byrjar arbeidsdagen. Då produserer og leverer dei utandørs kasser til varmepumpevifter i tillegg til trebenker

Varmekassen UB vart også lagt merkje til, der dei stod på stand under fylkesmessa i Operaen i Nordfjordeid.

For nytenkinga og produktet dei leverer, vart dei kåra til fylket sitt nest beste produkt med verdiskapingspotensial.