Det er den tidlegare så mektige, men òg sterkt omstridde statsråden som har fått det ærefulle oppdraget å sleppe trafikken gratis forbi i begge retningar, for første gong etter at tunnelen vart opna og bommen oppretta i 1995.

Markering

Det skal skje nøyaktig klokka 1200. Sjølve bua blir ståande endå nokre dagar. Trompetisten Trude Skarvatun skal spele under den symbolske handlinga. Ho deltok også då bommen vart etablert. Også Florø Hornmusikk skal vere med på den heilt spesielle markeringa ved bomstasjonen. Prosjektleiar for byjubileet, Edvin Helgheim, fortel at arrangørane ei stund vurderte om dei skulle påskjøne ekstra den siste som betalte bompengar forbi bompengestasjonen.

– Vi har møtt utruleg god respons frå lag og organisasjonar. Eg er nesten overraska over kor god mottaking vi har fått, seier Tine Kroppan Holvik. Ho ser det berre som positivt at dei får spreidd aktivitetar ut over store delar av Florø. Det store målet er å bidra til å skape samhald. Saman med Bjørn Slettevold og Øyvind Færøyvik har ho hatt ansvaret for å organisere det som skal skje i Florø.

Ekstra revysketsj

Her vert det alt frå open dag på Sunnfjord Hestesportssenter i Botnastranda til ekstra gode rabattar i butikkane, rekebåten kjem til Trovikkaia, og Florarevyen har framsyning med ekstra innlagt bomsketsj. Golfklubben, krigshistorieforeininga og Kystmuseet blir også engasjert.

Havhesten kan lokke med ekstra billege inngangsbillettar. Også Turistkontoret skal halde ekstra ope for dagen. Formelt skal dei ikkje opne før 1. mai.

EKSTRA ARRANGEMENT

• Barnas tur: i Storåsen med bål og grilling, Turlaget
• Open dag på Sunnfjord Hestesportsenter.
• Rekebåt ved Trovikkaia.
• Kystmuseet med Horneutstillinga (truleg ikkje ope sjølve laurdagen)
• Florarevyen med ekstra bomsketsj.
• Alle butikkar held ope til klokka 16.00 med spesialtilbod.
• Laserskytekonkurranse med Florø Skytterlag.
• Eige golftilbod med Florø Golfklubb.
• Vandring med Krigshistorielaget