Slik framstod dei tre naborådmennene då dei snakka til næringslivet i Sunnfjord om temaet kommunesamanslåing tysdag kveld.

Flora Industri- og Næringsforening hadde invitert dei tre rådmennene til Florø og utfordra dei på å snakke om framtidig samarbeid og kommunestruktur.

Klarast svar fekk dei definitivt frå Heggheim - kanskje ikkje så rart, sidan eit samrøystes bystyre har bede han om å utgreie alternativ for korleis Flora i framtida kan inngå i ein ny, stor sunnfjordkommune.

- Eigentleg er det pussig. Samtlege politiske parti på riksplan, inkludert Senterpartiet, er positive til kommunesamanslåing. Åtte av ti norske lokalpolitikarar seier ja. Så kvifor skjer det ikkje noko, undra Heggheim.