Samtlege kystkommunar frå Nordhordland til Ålesund har sagt ja til å gå inn i den nye fellesorganisasjonen som skal kjempe for ny kystveg. At også Bergen kommune har sagt ja, blei godt motteke då eit knippe kystordførarar samla seg til skipingsmøte i Bergen måndag 8. mars. Her blei floraordførar Bente Frøyen Steindal vald som leiar, med kollega Jan Helgøy frå Vanylven som nestleiar. Administrasjon og sakshandsaming skal takast hand om av Per Brandal frå Vanylven og Eivind Hjellum frå Flora kommune.

Desse ordførarane deltok under skipingsmøtet i Bergen 8. mars:

• Tore Bråstad (Hyllestad)
• Gunn Åmdal Mongstad (Solund)
• Kåre Olav Svarstad (Bremanger)
• Aud Kari Steinsland (Askvoll)
• Jan Helgøy (Vanylven)
• Arve Helle (Fjaler)
• Bente Frøyen Steindal (Flora)
• Nils Marton Aadland (Meland/Nordhordland Regionråd)
• Hans Gisle Holstad (Hareid)
• Ronny Blomvik (Sula)

Dei andre kystkommunane hadde ikkje høve til å delta i møtet, men alle har sagt ja til å gå inn i samarbeidsorganisasjonen.