Ho er full av lovord om arrangørane, Flora SU, med leiar Hildegunn Berge og nestleiar Even Eide Onstad i spissen.

Mange av den gamle raude garden gledde seg over flotte appellar og hovedtale av nyleg avtroppa SV- statsråd, Heidi Grande Røys, som fokuserte på internasjonal solidaritet for kvinner, likeløn og kampen mot kvinnevald .

– Arrangementet gjekk over all forventning. Ei skikkeleg markering av Kvinnedagen var viktig og etterlengta. Ikkje minst så fekk vi inn 1600 kroner til Krisesenteret sitt arbeid frå kafésalet denne kvelden, seier SU-leiar Hildegunn Berge.

Det var mange flotte kulturinnslag med dans og musikk. Veteranrockarane i Vikingblod ofra si fritid for Kvinnedagen. Det same gjorde mellom andre Kurt Arve Washburn, duoen Susanne Odjik Solbakken og Maren H. Sunnarvik og jentebandet Aggressive Airporn.

Leiar for ungdomshuset Haffen, Inger Fuglesang, er også full av lovord om den flotte gjengen som har stått for både initiativ og gjennomføring av kvinnedagsarrangementet.

- Det var eit fantastisk flott, vellykka og positivt arrangement, understrekar ho.