Akkurat no er det fiska opp 383.639 tonn norsk vårgytande sild. Dette er 42,9 prosent av tildelt kvantum, så framleis står det att over ein halv million tonn.

Kystnotbåtane har tatt 58,9 prosent av andelen sin. Trålarane er også over 50 prosent, medan ringnotbåtane berre har fiska 30 prosent av det dei har fått tildelt.

Vi har fem fiskedagar å oppdatere, med mange leveransar frå dei båtane vi følgjer på sildefeltet.

Flora-båten "Albacore" har vore til Fosnavåg Seafood med to fangstar. Kvar på 140 tonn, og begge hadde også 291 gram i snittvekt per sild. Samla fangst for "Albacore" er 785 tonn.

"Bluefin" frå Nekkøy har levert to gonger til det same mottaket i Fosnavåg. Begge leveransane var 140 tonn, med 290 og 275 gram i snittvekt. Så langt har "Bluefin" fiska 675 tonn.

"Æsøybuen" har landa 65 tonn, med 283 gram per sild i snitt, og 63 tonn, med 288 gram i snittvekt. Samla fangst for denne kystfiskebåten er no 388 tonn.

"Vestfart" frå Bremanger har til no 2240 tonn i samla fangst. I dette talet er medrekna dei to hundre tonna "Vestfart" leverte til Norway Pelagic Selje for tre dagar sidan. Snittvekta her var 290 gram.

Askvoll-båtane fiskar også godt:

"Vestøy", to fangstar på 150 tonn og 149 tonn, høvesvis 273 og 285 gram i snittvekt. Fangst til saman: 1334 tonn.

"Hillersøy", to fangstar kvar på 135 tonn, med 288 og 290 gram i snittvekt. Fangst til saman: 1045 tonn.

"Buefjord", tre fangstar. 180 tonn (269 gram i snitt), 200 tonn (225 gram i snitt) og nye 200 tonn (238 gram i snitt). Samla fangst: 1750 tonn.

"Gould Dollar", to fangstar på 115 tonn kvar, med 295 og 282 gram i snittvekt. Samla fangst: 690 tonn.

"Sjøglans", to fangstar, begge på 240 tonn. 283 og 290 gram i snittvekt. Samla fangst: 2160 tonn.

"Atløybuen, to fangstar. Ein på 130 tonn, med 288 gram i snitt. Og den andre vog 135 tonn og hadde 285 gram i snitt. Fangst til saman: 990 tonn.

"Vestervon" leverte 150 tonn for to dagar sidan, med 280 gram i snittvekt. Fangst til saman: 1180 tonn.