Det sa stortingsrepresentant for SV, Akhtar Chaudry, under Flora SV sitt årsmøte i Florø nyleg.. Då hadde han vore på Krisesenteret for eit innblikk i den fortvila situasjonen til dei ureturnerbare kvinnene som nyttar senteret.

Firdaposten følgde i si papirutgåve opp saka med å intervjue ein av dei iranske ureturnerbare, ei åleinemor som opplever situasjonen som svært vanskeleg å takle.

For berre i Florø går det i dag 14 - 15 ureturnerbare asylsøkjarar, som ikkje har krav på dei same rettane som nordmenn flest nyt godt av.

– Desse har blitt kasteballar mellom minst to land som ikkje ønskjer dei. Spesielt om det er born involvert får denne situasjonen store konsekvensar, seier Chaudry, som lovar å jobbe for å synleggjere dette i regjeringa.

Desse ureturnerbare asylsøkjarane har fått avslag på asylsøknadene sine, men kan av ulike grunnar ikkje sendast attende til heimlandet. Dei 14 - 15 det er snakk om er registrerte og bur på Solbakken asylmottak i dag, og er i all hovudsak iranske. Enkelte av desse har budd på mottaket heilt sidan 2005.