Den er noko heilt anna, samanlikna med hurtigbåten den skal erstatte: Den nye «Fjordprins» som vart døypt ved Fjord1-terminalen i Florø onsdag.

Den er større, lettare, og sist men ikkje minst meir komfortabel og tilpassa dei som arbeider når dei reiser.

Gudmor Anne Solheim Kleppe fekk æra av å døype den unge prinsen, til tonar av Florø Skoles Musikkorps. Etter dåpen bar det på ein kort prøvetur i Florabassenget for den unge prinsen.

Komfort for dei reisande, og spesielt dei som reiser på arbeid, har vore viktig i planlegginga og bygginga av den nye prinsen.

Nye «Fjordprins» vil byrje gå ruta mellom Bergen og Nordfjord frå midten av februar.