Florø-bussen køyrer no heilt opp til Førde sentralsjukehus på nokre av dei daglege ankomstane.

Etter initiativ frå Flora kommune har Firda Billag forlenga tre avgangar frå Florø heilt fram til FSS frå og med tysdag 1. desember.

Frå 15. januar 2010 endrar Firda Billag endå ein avgang, melder helse-forde.no .

Nokre avgangar frå Førde til Florø vil også starte ved Førde sentralsjukehus. Desse avgangane vil då køyre via Førde rutebilstasjon til Florø.

I tillegg til endringa i avgangane har Firda Billag endra perrongoppstillinga slik at bussane frå Florø stoppar ved sida av bybussen.

Dette betyr at det blir enklare for passasjerar som skal over på Florøbussen å nytte bybussen i Førde.

Firda Billag vil framheve bybussen sin avgang 12.05 frå Førde sentralssjukehus som korrsponderer med bussen til Florø 12.30 frå Førde Rutebilstasjon.

Frå 1. desember 2009 vil Firda Billag gjere følgjande endringar:

* Florø - Førde sentralsjukehus 06.40 - 07.50

* Florø - Førde sentralsjukehus 08.40 - 09.50

* Førde sentralsjukehus - Florø 14.30 - 15.55

Frå 15. januar 2010 vil også følgjande rute bli utprøvd:

* Florø - Førde sentralsjukehus 14.00 - 15.10

* Førde sentralsjukehus - Florø 15.25 - 17.00