Kåre Leif Hollevik og støttegruppa for Simon støttar avgjerda til Fkadu om å komme attende til Florø, sjølv om dei vart utvist frå landet.

– Dette er modig og vi er stolte av motet til Fkadu, seier Kåre Leif Hollevik som var rørt av å sjå Simon og Fkadu igjen.

Kampen for å sette søkelys på saka deira går framover med uforminska kraft.

Ventar med aksjon

Torsdag hadde støttegruppa planlagt ei markering utanfor stortinget. Her var barneombod Reidar Hjermann og fleire politikarar inviterte til å delta.

Men aksjonen er no utsett til desember.

I staden blir det er markering ved Florø kyrkje klokka 17.30 torsdag kveld.

Ulovleg?

På spørsmål om han støttar det ulovlege ved å ta seg inn i landet, meiner han at kva som er lov og ikkje lov her ligg i ei gråsone.

– Norge utviste Simon og Fkadu til Berlusconi sitt Italia basert på tilliten av at dei ville overhalde forpliktingane sine i Dublin konvensjonen. Dei vart sendt på gata og har vore uteliggarar sidan, seier Hollevik og meiner Fkadu har hatt eit stort mot for å flykte tilbake til Norge.

– Skal vi snakke om kva som er lov og ikkje meiner eg Norge har gjort seg skuldig i ei unnlatelsessynd. Eg er viss på at UDI og UNE visste kva dei vart sendt til, seier Hollevik.