Torsdag fekk Kåre Leif Hollevik og aksjonsgruppa for niåringen Simon og faren hans Fkadu, nytt avslag frå UNE- Utlendingsnemnda.

Men kampen er ikkje over. Kåre Leif Hollevik og advokat Roland Kjeldahl vurdere no rettsak mot den norske staten fordi dei meiner at Norge har brote FN sin barnekonvensjon. Dessutan meiner dei at Italia ikkje oppfyller krava i Dublin-avtalen om å gje flyktningane ei forsvarleg behandling.

I Bergen var det ei stor markering av den internasjonale FN-dagen og Florø-delegasjonen hadde stand på Torgalmenningen samstundes. Ein gjeng Florø-studentar med ikkje heilt ukjente Jacob Nødseth (H) i spissen var til stades. Dei tok opp med arrangøren om ikkje Simon-aksjonen kunne få taletid på scena. Det gjekk i orden. Sjå appellen på videoen vedlagt denne artikkelen.