Det har gått kring 40 døgn sidan norske styresmakter sende eritreiske Simon (9) hovudstups ut av ein trygg skulekvardag i Florø og til uteliggarliv i Bari i Italia. Saman med faren Fkadu (29) bur dei på gata, men greier seg med pengar dei får frå norske venner.

På torget i Florø markerer Kåre Leif Hollevik kvar kveld at han skal vente til kampen er vunnen og Simon og faren Fkadu er komne tilbake til Florø.

- Kvifor er du så sikker på at du skal vinne denne striden?

- Fordi vi har ei god sak. Det er heilt openberrt at Italia ikkje lever opp til Dublin-avtalen om at dei skal ta seg av flyktiningane på ein skikkeleg måte. Og for det andre, så er klart at det som har skjedd her er eit soleklart brot på FN sin barnekonvensjon, Dersom UNE (Utlendingsnemnda) sier nei i denne saka, så går vi til rettssak mot den norske staten. Og den skal vi vinne, seier Hollevik.

I mellomtida tenner han lys for Simon på torget og spelar songen som Kurt Arve Washburn har laga til saka. Kvar kveld er han på plass og får av og til besøk av nokon trufaste støttespelarar, som ungdomsskuleelevane Thomas Esp, Malin Andrea Standal, Maria Sandnes Steinset og ikkje minst, Wasburn i sivil, Kurt Arve LIabø.