Etter ein langvarig kamp for å få realisert stadionplanane, kan no formann i STIF, Svein Arne Sandvik, sjå ut over ei heilt ny idrettsbane med oppvarma kunstgrasdekke til heilårsbruk. Det kjennest godt, medgjev han.

– Når eg ser på bana no, ser eg eit anlegg vi kan myldrast på, og der det kan vere aktivitet døgnet rundt utan å måtte tenkje på både vêr og vind. Det har blitt eit praktanlegg.

– Her er det mange gode aktørar som har gjort ein kjempejobb. Vi har hatt veldig gode sponsorar, fleksible lokale leverandørar og ein kommune som har stilt opp.

Eg er dessutan ekstremt stolt over dugnaden som er lagt ned, og over dugnadsånda desse syner, smiler Sandvik.