Kåre Leif Hollevik, leiar i søtteaksjonen for Simon, reiste torsdag morgon til Oslo for å overlevere underskriftene frå aksjonen til Statsministeren sitt kontor. Med seg hadde han Flora-ordførar Bente Frøyen Steindal.

Men dei to fekk ikkje møte Statsministeren, slik dei ønska.

Møtte rådgjevar

Dei vart møtt av Hadia Tajik, som er politisk rådgjevar for Arbeids- og inkluderingsminister Dag Terje Andersen, og dei nær 4000 underskriftene som krev at Simon og faren får komme heim vart overlevert til henne.

Tajik var tydleg på at departementet måtte følge spelereglane og regelverket dei er bundne av.

Etter at kameraene var slått av hevda derimot Hollevik at han fekk ein god samtale med Tajik, der ho uttrykte sympati for kampen støtteaksjonen dei no er i gang med.

- Skuffa

Hollevik fortel til Firdaposten at han er skuffa over at ingen toppolitikarar ville møte dei.

– Det politiske nivået eg er stolt over i denne saka er måten Bente Frøyen Steindal har opptredd på. Ho har stått fram slik vi hadde håpa ho skulle i denne saka, seier Hollevik.

For ordføraren har her vist eit ekte engasjement. Ho var dessutan nøgd med at underskriftene er overlevert og saka kommunisert inn på eit høgt politisk nivå.

– No veit vi at saka blir sett på og vi er med godt mot at Simon skal komme attende til oss, seier ho.

Stoppar ikkje ved valet

Støtteaksjonen har her nytta momentumet eit stortingsval har gitt saka. Likevel vil ikkje ordføraren gi opp saka etter valet.

– Denne kampen stoppar ikkje ved valet. Vi held fram kampen heilt fram til Simon blir teken i mot på Florø lufthamn, slår Frøyen Steindal fast.

Alt om Simon-saka:

• VIDEO: Kurt-Arve med sang til Simon

• Ordføraren ber statsråden gripe inn

• Statsrådsnei i Simon-saka

• Kommentar: Å tekkast Frp har ein pris

• Heile byen støtta Simon

• BILDE: Aksjon for Simon

• – Strengt og urimeleg

• Ikkje vurdert på humanitært grunnlag

• Simon (9) sendt rett på gata

• Stort lesarengasjement for Simon (9)

• BILDE: Simons siste time i Florø

• Simon (9): - Takk for meg