Sparebanken sender no ut ein prøveballong til eigne kundar i Florø. Kvart år har banken årleg drysse ut nærare ein million kroner til hundre ulike kulturtilbod, aktivitetar og prosjekt i kommunen.

Viktig nok?

Spørsmålet blir no om privatfolk og lag og organisasjonar i Florø syns utkikstårnet er så viktig at dei er villige til å ofre kulturpengane i eitt unntaksår, og heller heile potten gå til å realisere tårnet i Likkjeåsen

Banksjef Tom Staveteig syns at ideen til Hallvard Lunde om å gjere om vasstanken til eit fyrtårn for kultur og gode opplevingar, var så god, at han like godt gjekk ein runde i banken om saka. No oppmodar banken avisa om å hjelpe til med å spørje folket om saka i nettavisa til Firdaposten. Sjølv vil banken leggje spørsmålet ut på eigen nettstad.

Her vil kundane få sjansen til å svare på om dei vil la heile potten gå til tårnprosjektet. Også dei som ikkje brukar nettet får ein sjansen til å seie si meining. Banken vil leggje ut svartalong ved informasjonsdisken i Florø.

-Får vi dette til, kan vi få til noko som vil vere til glede for folk i mange år framover, seier Staveteig og får støtte frå informasjonsleiar Nina Hovland.

Dei meiner eit vilkår for eit godt prosjekt vil vere at også andre støttar godt opp om monumentet til 150 års jubileet til byen. Firma H. Nygård har alt lova å leggje taket gratis og bystyret vil gå inn med krisepengar.

Kor mykje banken vil gå inn med blir avgjort av kor godt det går med bankdrifta i dette finanskriseåret.

Dei understrekar at begge det berr er den delen av kulturpengane som vanlegvis går til sentrale delar av Florø det no er aktuelt å samle til tårnprosjektet. Utkantane sin del vil gå som før til mange.

Også sponsorsatsinga til banken vil bli halden utanfor.