Helga Pedersen kom til Florø på fredag for å opne årets Sildebord. Då ho ankom fekk ho ein 45 minutt lang omvisning på Ewos. Med på omvisninga var òg politikarar frå både fylket og kommunen. Ordførar Bente Frøyen Steindal var også med.

"Jøss!"

Under omvisninga spurte Pedersen stadig korleis systemet på Ewos fungerer, og var tydeleg imponert over kor effektivt og ryddig systemet på anlegget er i dag. "Jøss" var ein reaksjon som gjentok seg frå ministeren.

– Eg er aller mest imponert over systemet dei har for kvalitetsikring. Dessutan har dei ei god ordning for sporing, sa Pedersen etterpå, og la til;

– Det var veldig gøy å sjå korleis det tekniske på eit så stort annlegg faktisk fungerer!

Snart klart

Fabrikksjef Rune Ryland var tydeleg stolt over det han viste fram.

– No er det berre rundt halvanna veke att til vi kan sette i gang med full produksjon på det nye anlegget. Vi er framleis i ein testfase der vi kontrollerar at alt fungerar som det skal, sa han.