Skulen bei avvikla sist haust grunna for lågt elevtal. Men 17.maifeiringa blei avvikla med uforminska styrke med felles frukost på "2.etasje" på kroa og felles tog frå Marøy-krysset til skulen på Våg på ettermiddagen.

Musikkkorpset var vekt opp frå vinterdvalen no i mai. Ikkje så verst i eit lokalsamfunn med 60-70 fastbuande. Med to råferske musikar-debutantar i rekkene, minimalt med øving og utan dirigent, vart det likevel feiande flott marsjmusikk med "Norge i rødt, hvitt og blått". Vel framme vart det tradisjonell folkefest med god mat, 60 metersløp, mjølkespann- og hesteskokasting, tippekonkurransar og til slutt ei topping med ein god gammaldags liten "17.maibasar".