Det var knapt plassar att mellom benkerader på benkerader med stolte foreldre og sysken, som fredag fyllde storsalen i Samfunnshuset.

På scenen fekk dei sjå sine eigne små og store kulturskuleelevar opptre med stor innleving og glimt i auga.

Flora kulturskule vart starta i 1988, og har etter kvart som åra har gått blitt meir og meir "vaksen" i forma.

Det har også utvikla seg fleire og fleire musikalske talent etter kvart som kulturskulen har vakse til. Det var denne breidden av musikalitet ein fredag ynskte å syne under jubileumsframsyninga.

Tradisjonen tru var det også utstilling ute i foajeen på samfunnshuset, med kunst laga av kulturskulen sine kunstelevar.