Han siktar til gjennomgangen av hjørnebygget (Strandgata 21 A) som Firdaposten med sjølvsyn kunne slå fast var i elendig forfatning.

Trovik er redd folk blandar saman, og at dei trur han har hatt eit ansvar for denne delen av eigedommen. Han fortel at mot slutten av 1970-åra vart føretaket delt i to. Bakeriet, hjørnehuset og bygningen vestafor (der Glassmagasinet heldt til) gjekk til ein bror som var utdanna bakar. Sjølv overtok Jørund den nordre delen av eigedommen, Strandgata 21 B.

– Sidan slutten av 1970-talet har eg hatt eineansvaret for Strandgata 21 B. Denne delen av Trovikeigedommane har eg prøvd å drive og halde i stand etter beste evne, og eg har ikkje hatt det aller minste med kva som er gjort eller ikkje gjort med den andre delen av eigedommen, Strandgata 21 A. Det ønskjer eg å få klart fram, seier Trovik til Firdaposten.