Sverre Stenbakk har i offisielt brev til ordføraren søkt om å få rive bygningsmassen på «Trovikeigedommane» i god tid før byjubileet.

Dermed har Flora sine politikarar fått eit spørsmål som dei må svare ja eller nei til. Fagfolk har peika på at det er reell fare for at delar av bygningsmassen kan rase ned.

«Med det ansvar som påhviler oss som eiere, søker vi herved om å få rive bygningsmassen på eigedommen. Om vi ikke får tillatelse til riving, må vi sannsynligvis stenge deler av fortauet rundt bygningsmassen. Det verste er om folk kommer til skade», heiter det m.a. i brevet.

Dette er klar tale og krev eit klart svar. Her nyttar det ikkje med synsing. Mange er nok spente på svaret.

Stenbakk strekar under at det er komplett umogeleg for ein mann å halde noko slikt i stand og få til noko som liknar på rentabel drift.