Sverre Stenbakk arbeider no med både sal og regulering av Trovik-kvartalet.

- Det som hastar no er å få gjennomført reguleringa i dette kvartalet. Det gjer det også lettare å selje eigedommen, seier han.

Han og Horne brygge har gått saman om reguleringsarbeidet, og er i dialog med Flora kommune og sentrale politikarar.

Rehabilitering

- Du ser heilt bort frå vern/rehabilitering av denne eigedommen?

- Firdaposten har no sett med eigne auge, og eg kan berre vise til rapporten som ligg føre. Der heiter det bl.a. at det ikkje let seg gjere å sette i stand noko slikt, svarar Stenbakk.

Han strekar under at det første planutkastet dei presenterte var nettopp det, det første utkastet for å komme igang med reguleringa.

- Får vi rive det gamle hjørnebygget og reise noko tidsmessig, så treng vi ikkje komme så mykje lengre ut i sjøen, seier Stenbakk.

Nye idear

Dei jobbar no med nye idear for både Trovikeigedommen og Horne brygge.

Men han er framleis innstilt på å selje.

- Ja, med mindre eg ser det blir opna for ei utbygging som kan gje rentabel drift. Det spørs kva eg får lov til. Eg kan ikkje bygge for å drive med tap, seier Stenbakk.