Dette gjeld eigedommane Strandgata 17 og 21, der dei har valt ei ny og dristig utforming med nybygg i sjøen. Nordplan ved ingeniør Janne Midtbø på Nordfjordeid har laga planen for dei.

Sverre Stenbakk kjøpte Trovik-eigedommane i fjor, og Malvin Horne m.fl. overtok familieeigedommen ei tid etter. Dei har gått i lag om å utvikle eigedommane og revitalisere dette kvartalet vest for Trovikbakken.

Strandgata 15 (tidlegare Gjertsenbua) er nybygg. Elles står det gammal bygningsmasse frå 1860- og 1870-talet i kvartalet. Denne er vanskeleg å utnytte kommersielt for eigarane, og dei har difor søkt heilt nye løysingar for å få det til.