Geir Rønning ligg no på Norsktoppen med ein melodi Florø-musikaren har laga.

Og ikkje nok med det, truleg for første gong i Finlands radio, YLE, si lange historie, toppar ein norsk melodi med norsk tekst også poplista hos Finlands radio.

Det er same låt, «Bare du som vet», kan komponisten sjølv fortelje.

– Det er litt kjekt. Eg er kanskje litt blasert, veit du. Men eg visste med ein gong at dette var ein god låt, som passar til R & B-stemma til Rønning, vedgår den talentfulle og allsidige Florø-musikaren.

– Kanskje kan det no komme litt pengar ut av det òg. Det ville ikkje gjere meg noko om det draup inn litt ekstra, seier Husabø.