– Det imponerte meg. Dette er heilt i tråd med korleis vi tenkjer oss organiseringa av framtidas helsetilbod, med førebygging og gode rehabiliteringstilbod, seier han.

Lytta

Han var invitert til årsmøtet til Flora Arbeiderparti, men ville ikkje forplikte seg til å vere nokon slags talsmann ut over å seie at det han hadde sett var lovande. Han hadde også hatt kontakt med helseminister Sylvia Brustad før han reiste til Florø og skal rapportere tilbake om gode argument som støttar nærsjukehuset og denne måten å drive helsetilbod på, men også negative sider. Bøhler er ein sentral person i Ap i helsespørsmål som helsepolitisk talsmann for partiet på Stortinget

Ut til folk

For Bøhler er det viktig å halde fast på samfunnsvisjonen om at helsepolitikken skal føre til utjamning og rettferd. Han meiner det rette no vil vere å flytte ut meir av helseresursane til å førebyggje livsstilssjukdommar som overvekt, kols og diabetes, eller rehabilitering slik han såg at dei dreiv det på nærsjukehuset med kolsskule, astmaskule, skule for å takle beinskjørleik og solbehandling for psoreasis.

Bøhler kunne ikkje seie noko om når helseministeren var klar til avgjerd om framtida til nærsjukehuset, anna enn at det blir snart. Han meinte også at dette klart er ministeren si oppgåve.