Det skal vere tre songarstemne i Sogn og Fjordane i år. Helga før korsamlinga i Florø blir dei to første arrangert i Brekke og i Måløy. Kor frå Møre og Romsdal og Hordaland har allereie ymta frampå om at dei òg kunne tenkt seg til Florø denne helga.

Stemnesjef Siv Årdal og komitékoordinator Signe Marie Rønnekleiv er allereie i full gang med å planlegge helga. Men dei tek langt frå heile jobben åleine. Dei har om lag 40 medlemmer i ryggen, og alle skal få jobbe.

Og sjefen ser fram til stemnet som dei håpar vil setje sitt preg på. Alle kora skal få vise seg fram, og i løpet av helga blir det mange småkonsertar over heile byen.

Når kor blir inviterte, betyr det også mange tilreisande. Minimum 400 koristar går dei ut med, men ut frå pågangen av interesserte til no, kan det vere langt fleire korglade vestlendingar som har haka av Florø-helga i almanakken.