– Vi har kjøpt eit ferdig prosjekt som vi med ein del mindre endringar ønskjer å utvikle, fortel dagleg leiar Otto Wiger i ein samtale med Firdaposten.

Andre i Flora

Sogn og Fjordane bustadbyggelag har nyleg gjort ferdig bustadprosjektet ved Kanalen, og dette blir det andre prosjektet deira i kystbyen.

Han fortel at dei har kjøpt prosjektet på fritt grunnlag, og kan bygge som dei vil.

– Blir det store endringar?

– Strømsnes har vore flink med dette prosjektet, så vi kjem nok i hovudsak til å bruke det som det er. Største forandringa blir i toppetasjen. Der er innteikna ein uteplass som vi vil nytte til husvære. I staden kjem vi til å lage ein felles uteplass på toppen, seier Wiger.

Byggestart i sommar

– Korleis går det fram?

– Vi skal justere prosjektet over jul, og går deretter ut med tilbodspapir. Vi reknar med byggestart til sommaren, og 14– 15 månaders byggetid.

– Blir det burettslag?

– Om det blir burettslag eller sameige, har vi ikkje avgjort. Buforma er i praksis den same. Største skilnaden er finansieringa. I burettslag tek ein opp felleslån med husleige. I sameige finansierer den enkelte sin del, forklarer Wiger.

75–110 m2

Han kan førebels ikkje seie noko om kostnad.

– Vi har betalt seljaren for tomta og utviklingsarbeidet. Så vil tilboda vise kva totalkostnaden vil bli, seier Wiger til slutt.

Det skal byggast husvære i diverse storleikar mellom 75 og ca. 110 kvm. med store terrassar. Alle får kvar sin parkeringsplass i underetasjen.

Meir om Bolig & Interiør på Firdaposten sine temaside