Formannskapet endra her innstillinga til rådmannen som ville gje ei startløyving på 3,5 millionar kroner i 2008. Fylkestinget har sett som vilkår at Flora kommune må skyte inn like mykje for at fylket skal oppfylle sine lovnader til prosjektet som er kalkulert til å koste kring 30 millionar kroner.

Ap-gruppeleiar Lars Terje Standal trur ikkje at ei utsetjing vil setje prosjektet i fare.

–Det er trasig at vi må gjere dette no. Men eg trur at folk på fylkestinget forstår at vi må la dette vente. Då får vi òg meir tid på oss til å få med private interessentar, kommenterer Standal.